Rwanda Ministry Of Foreign Affairs and Cooperation

Home

News

Ministry News

Speeches and Statements

Umwiherero wa Diaspora, Kigali, Aberdeen House 21, Ukuboza 2008.

Ijambo rya Nyakubahwa Minisitiri w’Ububanyi n’Amahanga n’Ubutwererane, Rosemary Museminali atangiza umwiherero wa Diaspora, Kigali, Aberdeen House 21, Ukuboza 2008.

Bavandimwe banyarwanda bo muri Diaspora, Mbanje kubasuhuza mbifuriza ikaze mu gihugu cyanyu . Reka kandi mbanze mbashimire ubwitange mudahwema kugaragaza mwitabira gahunda zitandukanye Guverinoma y’ u Rwanda ibatumiramo.
Nkuko bamwe mwabikurikiranye mu nama y’umushyikirano Leta y’u Rwanda yifuza guha umwanya buri munyarwanda wese kugirango ateze igihugu cye imbere, akaba ari muri urwo rwego twishimira uruhare Diaspora nyarwanda igira mu iterambere ry’igihugu cyayo.
Uruhare rwanyu nka Diaspora rugaragarira mu bijyanye n’ubukungu mwohereza umutungo mu gihugu (wealth Transfer). Raporo ya Banki y’Isi muri 2007 Diaspora nyafurika yohereje mu mugabane w’Afurika Miliyari 40 z’amadolari(US$40 billion), Abanyarwanda baba mu mahanga bakaba barohereje mu Rwanda mu 2006: miliyoni 60 z’amadolariUS$60,2007:103US$, 2008: 150US$).
Urundi ruhare rwa Diaspora nyarwanda ni ugushora imari no gukangurira abashoramari bo mu bihugu ituyemo kuza gushora imari mu Rwanda (Transfer of Investments ) ibi bikaba bikorwa cyane na Diaspora za Irlande na Israel.( Ireland+Israel)
Abanyabwenge bo muri Diaspora nyarwanda kandi batanga ubumenyi mu mashuri makuru atandukanye binyuze muri porogaramu za TOKTEN na MIDA (Transfer of knowledge).
Urundi ruhare twifuza ko mwagira ni uguteza imbere isura y’u Rwanda (image building) mu mahanga mukoresheje umuco mwiza w’igihugu cyacu. Aha tukaba twakigira kuri Diaspora z’ibihugu nka:
- UBUSHINWA:Hirya no hino hari Restaurants z’ubushinwa ibi twabikopera mu ku branding Igihugu cyacu.
- UBUYAPANI: World Technology,Japanese culture
- INDIA: GANDHI: ’’I want all winds to blow on my country, but I refuse to be blown off my feet by other cultures’’
Diaspora nyarwanda kandi ifite uruhare mu bumwe n’ubwiyunge , twifuza ko Diaspora yacu yarangwa no kurwanya amacakubiri n’ingengabitekerezo ya Jenoside (Kuba Proactive) muri yo bityo ikadufasha kubanisha umuryango nyarwanda wasenywe na Politiki mbi zaranze igihugu cyacu zikatugeza kuri Jenoside y’Abatutsi mu 1994.(when good men do nothing…)
Kugirango Diaspora nyarwanda irusheho kugira uruhare mu iterambere ry’igihugu, Guverinoma y’ u Rwanda yayishyiriyeho Ubuyobozi bukuru bwayo,Diaspora General Directorate, uru rwego rukaba rwaratangiye gukora guhera mu kwezi kwa gatandatu uyu mwaka 2008, kandi rufite ubushobozi bwo gufasha Diaspora nyarwanda mubyo ikeneye byose.
Umwiherero wa Diaspora mwateguye mufatanyije na Minaffet ni umwanya mwiza kandi w’ingezi wo gutekereza ku bintu bitandukanye nkuko bisanzwe mu muco nyarwanda, abantu baba babonye umwanya wo kuganira, kungurana ibitekerezo kwisuzuma ndetse no kwinenga bagafata ingamba zo kureba uburyo barushaho gukora neza.
Muri uyu mwiherero hazavugwa rero kubyo Ubuyobozi bukuru bwa Diaspora muri Minaffet bwatangiye gukora kugirango bufashe Diaspora kubona ibyo ikeneye , kandi no kuyifasha kubaka igihugu cyayo. Aha hakaba hari policy turimo gutegura kugirango iduhe umurongo twagenderaho mu bijyanye na Diaspora.
Tuzagira umwanya kandi wo kumva ibyo Diaspora yagezeho muri uyu mwaka mu bice bitandukanye by’ isi.
Kugirango gahunda zose Guverinoma y’u Rwanda iteganyiriza Diaspora zigerweho na Diaspora igere ku ntego zayo kandi iteze imbere igihugu cyayo , ni ngombwa ko iba ifite inzego(structures) zikomeye , zihamye ziyihuza, izi nzego kandi ni ingenzi kuko nizo n’uru rwego rushinzwe Diaspora rwifashisha mu gukorana namwe , uyu mwiherero rero ni umwanya wo kurebera hamwe uburyo izi nzego zakomera zikagira ubushobozi bwo guteza imbere Diaspora n’igihugu cyayo.
Muri izi nzego kandi twifuza ko hashyirwa ingufu cyane mu kwibumbira hamwe mu buryo buri professional ku bahuje ubumenyi n’ubushobozi mu bice (Domaines) bitandukanye. Ibi byatuma Diaspora yacu isanzwe igaragara mu mibare ( quantity) yagaragara no muri quality.
Uyu mwiherero rero n’umwanya na none wo kumenya gahunda z’ingenzi zigamije iterambere ry’igihugu kugirango Diaspora nayo ibone inyungu muri zo kandi igirire igihugu cyayo akamaro, haba mu ishoramari, guhererekanya ubumenyi, kohereza amafaranga mu Rwanda n’ibindi. Twifuza ko Diaspora yacu yakomera nkiyo mu bindi bihugu byashyize ingufu mu gukangurira Diaspora kubiteza imbere,kandi birashoboka .
Mbifurije rero umwiherero mwiza kandi twizeye ko uzadusigira ibitekerezo n’ingamba byo gufasha Diaspora bityo nayo ikubaka igihugu cyayo. Mboneyeho umwanya wo kubatumira mu busabane bw’ abakozi ba Minaffet buzabera hano muri Aberdeen House ku itariki 23 y’uku kwezi, saa kumi n’ebyiri z’umugoroba twifurizanya Noheri nziza n’Umwaka mushya muhire. Reka nifurize kandi abo tutazabonana Noheri Nziza n’Umwaka mushya muhire.

Nkaba rero mfunguye ku mugaragaro umwiherero wa Diaspora nyarwanda.
Murakoze.

A ONE DAY WORKSHOP ON THE IMPLEMENTATION OF HUMAN RIGHTS PROTOCOLS OF THE INTERNATIONA 10 May 2010 | 5:43 pm
On Wednesday April 28, 2010 the National Coordination Mechanism of the International Conference on the Great Lakes Region/ Rwanda (ICGLR)...
Australian High Commissioner Pays a Courtesy Call 4 Dec 2009 | 9:18 pm
Today, 4th December 2009, Amb MUNYAKANZA Eugène, Permanent Secretary in the Ministry of Foreign Affairs and Cooperation received in his...
RDF Return, Umoja Wetu Operation ends with Success 2 Mar 2009 | 3:58 pm
Rwandan troops began pulling out of eastern Democratic Republic of Congo on Wednesday, after an unprecedented joint operation with Congolese...
The Minister received Mr. Karl Dhaene, Special Envoy of the Ministry of Foreign affairs of Belgium 14 Jan 2009 | 9:32 pm
January 13, 2009, Minister of Foreign Affairs and Cooperation, Hon. Rosemary MUSEMINALI received in her Office the Special Envoy of...
DRC stand on Genocide fugitives impressive- Rwandan Prosecutor General. 6 Jan 2009 | 4:06 pm
Minaffet, 5th, January 2009, Rwanda’s Prosecutor General, Martin NGOGA expressed appreciations for the comments echoed by Mr. Thambwe Mwamba...

Polls

How do you like our website?

	Absolutely simple
	Reasonably easy
	Not straight-forward but I worked it out
	I had no idea and ask somewhere else

Diplomatic Magazine

MINAFFET Annual Report 2009

Download

View

Details

Ministry Newsletter

Habyarimana: Plane Crash


				English Version
				Kinyarwanda Version
				French Version